2015年11月8日 星期日

【心經】第十課:忐忑

【心經】第十課:忐忑                      【懺語】第四個十年:身世一旦曝光?
心   經   懺   語

梁國棟
前 因

這本書是兩個男人的約定。

周祥牧師親手遞給我他錐心泣血的大作《周祥牧師懺悔錄》,我登時百感交集,無言以對。

「不知何年何月《周祥牧師懺悔錄》可以面世?」周祥牧師有點兒感慨。

「《懺悔錄》出版與否,只不過是天時地利人和的因緣,順其自然好了!」我順勢回應他。

《懺悔錄》的手稿收藏在家中書櫃內籠,免得內子隨手拈來翻看。我,時不時手稿在手,看在心裏。血淋淋以及重甸甸的原材料,盡是陳露先罪。不經不覺已八個年頭,心底裏那份歉疚,叫我該做點事,才對得起弟兄的託付。我的心願,希望弟兄大半的經歷不再給人在他背後批鬥,審判他手所作的諸罪。

經過一番心靈掙扎,上主賜下一絲靈光。

我將周祥牧師的原材料稍稍潤飾,盡可能保存其真實性;在保存其真實性之餘,也為他和當事人以及其家人朋友保留一定程度的空間,故以化名代之。我懇請讀者們不要「打爛沙盆問到篤」,或是對號入座。

畢竟,此書是兩個男人的約定。
書情書室以單元連載發表周祥牧師的剖白,好讓讀者們看得見他入心的懺悔。我又以〈心經〉、(後覺)前呼後應,冀能為《周祥牧師懺悔錄》帶進另一個意境。

 心經第十課
忐忑      心虛也。【五音集韻】
祥哥,滿以為您成家立室,改邪歸正,苦讀五年,終於修成正果。我打從心底裏為您暗暗歡喜。我只能暗暗歡喜,因我實在無時無刻為您擔心不已。「你是我的兒子,我今日生你」,還記得您神學畢業典禮的那天,我送給您的賀咭內寫上這段經文呀!
您總是給我帶來「驚喜」的……
「我就係心囉囉攣,唔想咁張揚,好怕人哋將我同佢影嘅相傳來傳去……」
「恭喜,恭喜。」還記得與您拍照的那一刻,您在我耳邊好像說了幾句我似懂非懂的話,霎時間我摸不着頭腦……

第四個十年:身世一旦曝光?

喺親戚嘅婚筵嗰陣時,忽然心裏面湧現出一個唔知乜嘢嘅念頭,就係好驚D親戚朋友認得出珊珊,知道佢嘅身世,咁就會影響到我嘅前途,同埋我嘅聲譽……

本來好地地行街行公司,好 sweet sweet,突然間呢個慌失失嘅念頭又嚟喇……

又嚟喇……

嘿,又嚟喇……

近排每次喺D公眾場合,總係會提心吊膽,唉!好驚一旦俾人知道佢嘅身世,後果唔知係點?點收科?我真係唔敢想像!!

如果唔係要寫我嘅懺悔錄,我真係唔知有呢份上下心不安的攪擾……哦!原來我好怕佢嘅身世失禮我,又擔心佢知道我會嫌棄佢……

哼……仲以為自己係大俠,原來只係隻鵪鶉!


後 覺
「祥哥,我想與您探討一個課題,那就是上帝的手有多大。請您盡快 email 您的高見,謝謝賜教。」
……
久久未收到您的 email。
我和前妻分開後,20年來我經驗到上帝的手,比我想像中大很多。20年來,祂手遮蔽不少人的眼目,以致她/他們無論在任何場合也看不到我,免得我尷尬失常。自從囝囝公佈婚訊後,想到將和她同檯食飯,又要與她影大合照,令我一直寢食不安……
經過悉心安排,結果一切都省卻了。
祥哥,你看,衪是何等慈憐悲憫!至於您忐忑不安的顧慮,大可放心啊!





2015年10月19日 星期一

2016生命預演:【漂呀漂呀 漂到西天】


謙善老師飄洋過海,往返臺港兩地;腦海裏心坎裏滿載漂呀漂呀……
是以【漂呀漂呀  漂到西天】作為2016我的生命預演。
 「一時漂到識飲識食,一時漂到人情世情;一時漂到東山朝陽,一時漂到西山日暮;一時漂到鋼鐵森林,一時漂到山野茂林。漂到哪兒,寫到哪兒;隨意,隨喜……」  
  

第一漂:一命賠一命
謙善老師之所以有命活至2016,全因她的死。
她,她是白鷺鷥 (香港稱為小白鷺 ) 。
·         午間從菜市場返家 ( home away from home ) ,在民宿戶外閒坐區,發現了一隻受傷的白鷺鷥瑟縮在凳下,動彈不得。我和民宿主人商議怎樣安置她,給她療傷……
·         是日黃昏,我們伵到假日之森 ( 原本計劃和太太到那裏游泳,並且早已穿上泳裝 ) ,抵步後,發現海浪太大了,我們伵改為慢步沙灘欣賞黃昏日落。多甜蜜!多浪漫。最平凡不過的享受,只要放慢腳步就可「垂腳可得」!      
·         謙善老師實在太享受而不知暗藏危機……
·         回家期間,發覺右腳踝有些腫脹和赤痛。
·         白鷺鷥不也是右足傷了嗎?
·         每朝早、或每有空閒,都從房間外望,察看躺在草地的她(見圖) ,她仍在掙扎求活……
·         民宿男主人嘗試給予水和食物給她,她慌張而躲在草叢裏,這令她更加往裡躲藏,最終被困草叢中。
·         兩三天後,發覺一群蒼蠅在她四週飛來飛去……我建議倘若她死了,可埋葬在旁邊的樹下。
她終於熬不過去了。
扁柏樹會快高長大。
謙善老師有幸存活。

※    寶島尋道之旅,尋到的,是甚麼道?悟到的,又是甚麼道? ※

2015年10月5日 星期一

【心經】第九課:愁

 【懺語】第四個十年:我想過做逃兵
心   經   懺   語

梁國棟
前 因

這本書是兩個男人的約定。

周祥牧師親手遞給我他錐心泣血的大作《周祥牧師懺悔錄》,我登時百感交集,無言以對。

「不知何年何月《周祥牧師懺悔錄》可以面世?」周祥牧師有點兒感慨。

「《懺悔錄》出版與否,只不過是天時地利人和的因緣,順其自然好了!」我順勢回應他。

《懺悔錄》的手稿收藏在家中書櫃內籠,免得內子隨手拈來翻看。我,時不時手稿在手,看在心裏。血淋淋以及重甸甸的原材料,盡是陳露先罪。不經不覺已八個年頭,心底裏那份歉疚,叫我該做點事,才對得起弟兄的託付。我的心願,希望弟兄大半生的經歷不再給人在他背後批鬥,審判他手所作的諸罪。

經過一番心靈掙扎,上主賜下一絲靈光。

我將周祥牧師的原材料稍稍潤飾,盡可能保存其真實性;在保存其真實性之餘,也為他和當事人以及其家人朋友保留一定程度的空間,故以化名代之。我懇請讀者們不要「打爛沙盆問到篤」,或是對號入座。

畢竟,此書是兩個男人的約定。
書情書室以單元連載發表周祥牧師的剖白,好讓讀者們看得見他入心的懺悔。我又以〈心經〉、(後覺)前呼後應,冀能為《周祥牧師懺悔錄》帶進另一個意境。

心經第九課
    愁                     慮也。【增韻】
基督教會好比是一台收割機器。也許讀者們未必完全認同我的見解。她會定時定候收割果實,例如佈道會中的決志者,是其中一類果實。另一類果實,是蒙召獻身的人。惟恐讀者不明蒙召獻身是甚麼意思,筆者簡介一二。在各行各業工作的人,在某種事件或聚會中領受宗教經驗,甘願放棄自己的事業,獻身給上主,攻讀神學,矢志做傳道人。基督教會甚少深入探挖果實內裏是否腐爛不堪,只要外觀甚是美麗動人以及光澤示人。

祥哥,我很詫異像您這樣子的果實,竟然被選上!

第四個十年:我想過做逃兵

唉!一諗起今個秋天要入住神學院,就愁喇!

喺我窮嘅日子,祢冇嚟攪我;但喺當我事業稍為有D起色,一家三口食嘅有、用嘅有,嘆嘅有嗰陣,袮叫我放低哂所有嘢嚟讀神學?做傳道?唉!有乜計?就算我幾咁唔願,無法鬥得過祢!

我本身就好怕捱窮!仲更加唔想佢哋陪埋我捱窮!!

仲記得喺十歲嗰年,阿爸要入院做手術,屋企冇收入,阿媽為咗要賺錢養家,就幫人家擔井水,又幫人家喺井邊洗衫。有日喺屋企晾衫時仲跌親,甩咗左手手骹,真慘!阿媽甩咗手骹之後,為咗要揾錢駁骹,惟有繼續幫人擔井水同埋洗衫;佢用右手拉起水桶,然後用牙咬住麻繩將水桶拉出井口;佢用右手洗乾淨衫後,一邊用手加埋把口咬緊D衫,將衫「咬乾」之後攞去曬……呢個咁震撼嘅場面,我永世難忘!

之後嗰半年,唉!多災多難囉…… 阿嫲怕捱餓,帶咗阿哥去香港投靠姑媽,剩低我哋一家四口,食嘅係米碌(餵豬的米碎)、菜莢(回收菜檔棄置嘅爛菜,剪埋一堆成為「上菜」),同埋唯一肉類--魚乾(疍家人喺沙灘鋪蓆曬鹹魚仔,我同阿妹執執埋溝咗沙嘅魚乾,放喺水裏面,等魚乾浮水面,就係「魚肉」喇……)。用粗鹽豉油撈飯嘅日子都唔少,仲差嘅日子,就係一家四口食粥三餐,食粥三個月!

讀神學?我諗過做逃兵……

多謝祢,係祢使我堅強;五個年頭啦,有祢一直照應住我。

後 覺
神學生,幾乎和窮學生劃上等號。
看似事實?!
各人際遇,豈能一概而論。
祥哥,請恕我飄飄然的分享我的際遇罷。我早作籌謀加上投資有道,我真金白銀身家兩百多萬,還加上議員酬金,離開教會崗位,然後修讀神學碩士。各有前因莫羨人,又返回老問題:金錢是否邪惡?
問這問題者,才是有問題!!



2015年9月5日 星期六

2015生命在演:【漂呀漂呀 漂到西天】

謙善老師飄洋過海,往返臺港兩地;腦海裏心坎裏滿載漂呀漂呀……是以【漂呀漂呀  漂到西天】作為2015我的生命在演。
「一時漂到識飲識食,一時漂到人情世情;一時漂到東山朝陽,一時漂到西山日暮;一時漂到鋼鐵森林,一時漂到山野茂林。漂到哪兒,寫到哪兒;隨意,隨喜……」

第六漂:心中無道,我更不迷信「糖衣」之道


一旦 ……        萬一 ……

容讓我倆提早一點說:我愛您!我愛您!

2015年9月2日 星期三

【心經】第八課:悅

      【懺語】第三個十年:橫刀奪愛
     
心   經   懺   語


梁國棟
前 因

這本書是兩個男人的約定。

周祥牧師親手遞給我他錐心泣血的大作《周祥牧師懺悔錄》,我登時百感交集,無言以對。

「不知何年何月《周祥牧師懺悔錄》可以面世?」周祥牧師有點兒感慨。

「《懺悔錄》出版與否,只不過是天時地利人和的因緣,順其自然好了!」我順勢回應他。

《懺悔錄》的手稿收藏在家中書櫃內籠,免得內子隨手拈來翻看。我,時不時手稿在手,看在心裏。血淋淋以及重甸甸的原材料,盡是陳露先罪。不經不覺已八個年頭,心底裏那份歉疚,叫我該做點事,才對得起弟兄的託付。我的心願,希望弟兄大半生的經歷不再給人在他背後批鬥,審判他手所作的諸罪。

經過一番心靈掙扎,上主賜下一絲靈光。

我將周祥牧師的原材料稍稍潤飾,盡可能保存其真實性;在保存其真實性之餘,也為他和當事人以及其家人朋友保留一定程度的空間,故以化名代之。我懇請讀者們不要「打爛沙盆問到篤」,或是對號入座。

畢竟,此書是兩個男人的約定。
書情書室以單元連載發表周祥牧師的剖白,好讓讀者們看得見他入心的懺悔。我又以〈心經〉、(後覺)前呼後應,冀能為《周祥牧師懺悔錄》帶進另一個意境。

心經第八課
              
                       悅         喜也。【韻會】
祥哥,當您親自送來結婚請柬,打從心底裏,我向您祝賀。兩情相悅而結合,此乃人生美事!然而,當您繼續下來講故事,教我摸不着頭腦。

您推心置腹地道明,我是唯一的一人得知您的「身世」,您太器重我了!因此,我得為您保守這私密,足足四十多個年頭。《周祥牧師懺悔錄》之面世,委實讓我舒了一口氣。呼!呼!呼!


第三個十年:橫刀奪愛

事情發生喺好耐好耐嘅時候,係南方小島上一個小鎮嘅古仔。

過咗木橋嘅街角,有一間爛溶溶嘅大屋。古仔嘅女主角,就喺呢間大屋住。佢細細個就死咗媽媽,老竇年紀都唔細,靠勞力一雙手撐起一家四口。佢老竇管教好嚴,希望班仔女長大循規蹈矩。

呢個女仔生得好嬌俏,個樣好得人鍾意。因為老竇管教得佢愈嚴,佢就愈反叛。有一次,佢誤交損友,俾奸人所害,飲大咗,之後俾一班所謂「好友」輪姦咗!之後仲俾佢哋禁錮咗,仲要迫佢出賣肉體,揾錢返來俾佢哋使!

終於喺一個月黑風高嘅晚上,佢趁班衰人飲醉咗就走咗出嚟。以為走去差館報案要求拉人,唉!點知官場幾黑暗,差人同幫會勾結,輕判了事,好快就放監。

個女仔讀書少,無德亦無能,為咗養家,迫於喺一間旅舘幫人做按犘。後來識咗呢間旅舘嘅保鏢,雖然個樣唔靚仔,但覺得個男人好保護佢,之後就住埋一齊……

轉眼間又過咗幾年……

有一日,有一位人客嚟到呢間旅舘,就改寫咗呢個女仔嘅命運。

似乎命運將佢哋倆個拉埋一齊……

個女仔認為命運安排呢個俠客嚟救佢出生天,從此就可以安安樂樂過新生活。兩情相悅,識咗冇耐,個女仔就願意為咗嗰個俠客而私奔,走咗去第二度開始佢哋嘅新生活……


後 覺
祥哥,我得向您坦白,昔日您講給我聽您的故事,原諒我有先知,卻沒有先覺。就算我聽過,也未能聽進入心。此外,我尊重您用〈俠客柔情〉為標題;然而,您給了我代筆和編輯的自主,我選用了〈橫刀奪愛〉的標題,太美化整段愛情故事。錯愛?瘋愛?癡愛?憐愛?真使我分不清上主有否作主撮合她/他倆,抑或是她/他倆一手造成的一段孽緣?兩者應該有差別。我們惟有拭目以待。
有緣,順緣;緣聚,則合。




2015年8月18日 星期二

男人學第三課:有錢,慳住使

【男人學 ● 識飲識食 ● 惜身惜食】

謙善老師呢個男人,對男人學素有研究;自己又不斷學做男人,學做好男人。大男人也好,小男人也好,梗係要好好地學喇!謙善老師將會不定期撰寫識飲識食專題,好過追死線趕出街。

男人學 第三件事:有錢,慳住使

老師係過來人,咁就俾老師持老賣老,好有權威講吓呢個主題。

個個月有糧出,投資有道,可以說是豬籠入水。有錢,唔驚無地方使。三、四十年前,一千幾百,如同垃圾;一萬幾千,如同輕煙。

就以剃鬚為例,以前幾講究:
Before shave、shaving foam,after shave,男士名牌  Mandom。

世事難料!
有幾耐風流,就有幾耐折墮!

離婚20年,20年內只有兩年有糧出,因此今期第三件事要男人學:有錢,慳住使,以防不時之需,更防運滯兼倒霉……

就以剃鬚為例,她買咗一批剃鬚片(見圖,昔日$48一盒)。今天舊型號已停產,新型號現價約 $150一盒。這一批剃鬚片,我一用,用上20年仍未用完。以前日日剃,上鏡,見人更是一日剃幾次。而家,幾日唔出街,就幾日都唔使剃。有時,就算鬚根滿面咁嘅樣都可以照樣出街,因為今時今日唔使見人,甚至用酒店嘅番梘仔都可以剃。

前文曾提及謙善老師研究了15年男性更年期,除了出書《開心見誠談談男性更年期》之餘【本書由基督教文藝出版社代理,各大書店、書情書室有售】,家吓要優化男人學;老師提醒男人在更年期期間,可能要面對的是:忠貞怨偶抑或悶蛋情人;又或者可能要面對的是:離婚之後如何自處?離婚,更加要有錢慳住使啦!! 

謙善老師惜福雋語:
雖然錢係搵嚟使
如果你大使特使
小心唔會威一世
有錢便要慳住使

冇錢更加因住使




《開心見誠談談男性更年期》

內容簡介: