謙善老師飄洋過海，往返臺港兩地；腦海裏心坎裏滿載漂呀漂呀……是以【漂呀漂呀 漂到西天】作為2015我的生命在演。
「一時漂到識飲識食，一時漂到人情世情；一時漂到東山朝陽，一時漂到西山日暮；一時漂到鋼鐵森林，一時漂到山野茂林。漂到哪兒，寫到哪兒；隨意，隨喜……」
一旦 …… 萬一
……
容讓我倆提早一點說：我愛您！我愛您！
2015年9月5日 星期六
2015年9月2日 星期三
【心經】第八課：悅
【懺語】第三個十年：橫刀奪愛
心 經 懺 語
梁國棟
前 因
這本書是兩個男人的約定。
周祥牧師親手遞給我他錐心泣血的大作《周祥牧師懺悔錄》，我登時百感交集，無言以對。
「不知何年何月《周祥牧師懺悔錄》可以面世？」周祥牧師有點兒感慨。
「《懺悔錄》出版與否，只不過是天時地利人和的因緣，順其自然好了！」我順勢回應他。
《懺悔錄》的手稿收藏在家中書櫃內籠，免得內子隨手拈來翻看。我，時不時手稿在手，看在心裏。血淋淋以及重甸甸的原材料，盡是陳露先罪。不經不覺已八個年頭，心底裏那份歉疚，叫我該做點事，才對得起弟兄的託付。我的心願，希望弟兄大半生的經歷不再給人在他背後批鬥，審判他手所作的諸罪。
經過一番心靈掙扎，上主賜下一絲靈光。
我將周祥牧師的原材料稍稍潤飾，盡可能保存其真實性；在保存其真實性之餘，也為他和當事人以及其家人朋友保留一定程度的空間，故以化名代之。我懇請讀者們不要「打爛沙盆問到篤」，或是對號入座。
畢竟，此書是兩個男人的約定。
書情書室以單元連載發表周祥牧師的剖白，好讓讀者們看得見他入心的懺悔。我又以〈心經〉、（後覺）前呼後應，冀能為《周祥牧師懺悔錄》帶進另一個意境。
心經第八課
祥哥，當您親自送來結婚請柬，打從心底裏，我向您祝賀。兩情相悅而結合，此乃人生美事！然而，當您繼續下來講故事，教我摸不着頭腦。
您推心置腹地道明，我是唯一的一人得知您的「身世」，您太器重我了！因此，我得為您保守這私密，足足四十多個年頭。《周祥牧師懺悔錄》之面世，委實讓我舒了一口氣。呼！呼！呼！
第三個十年：橫刀奪愛
事情發生喺好耐好耐嘅時候，係南方小島上一個小鎮嘅古仔。
過咗木橋嘅街角，有一間爛溶溶嘅大屋。古仔嘅女主角，就喺呢間大屋住。佢細細個就死咗媽媽，老竇年紀都唔細，靠勞力一雙手撐起一家四口。佢老竇管教好嚴，希望班仔女長大循規蹈矩。
呢個女仔生得好嬌俏，個樣好得人鍾意。因為老竇管教得佢愈嚴，佢就愈反叛。有一次，佢誤交損友，俾奸人所害，飲大咗，之後俾一班所謂「好友」輪姦咗！之後仲俾佢哋禁錮咗，仲要迫佢出賣肉體，揾錢返來俾佢哋使！
終於喺一個月黑風高嘅晚上，佢趁班衰人飲醉咗就走咗出嚟。以為走去差館報案要求拉人，唉！點知官場幾黑暗，差人同幫會勾結，輕判了事，好快就放監。
個女仔讀書少，無德亦無能，為咗養家，迫於喺一間旅舘幫人做按犘。後來識咗呢間旅舘嘅保鏢，雖然個樣唔靚仔，但覺得個男人好保護佢，之後就住埋一齊……
轉眼間又過咗幾年……
有一日，有一位人客嚟到呢間旅舘，就改寫咗呢個女仔嘅命運。
似乎命運將佢哋倆個拉埋一齊……
個女仔認為命運安排呢個俠客嚟救佢出生天，從此就可以安安樂樂過新生活。兩情相悅，識咗冇耐，個女仔就願意為咗嗰個俠客而私奔，走咗去第二度開始佢哋嘅新生活……
後
覺
祥哥，我得向您坦白，昔日您講給我聽您的故事，原諒我有先知，卻沒有先覺。就算我聽過，也未能聽進入心。此外，我尊重您用〈俠客柔情〉為標題；然而，您給了我代筆和編輯的自主，我選用了〈橫刀奪愛〉的標題，太美化整段愛情故事。錯愛？瘋愛？癡愛？憐愛？真使我分不清上主有否作主撮合她／他倆，抑或是她／他倆一手造成的一段孽緣？兩者應該有差別。我們惟有拭目以待。
有緣，順緣；緣聚，則合。
2015年8月18日 星期二
男人學第三課：有錢，慳住使
【男人學
● 識飲識食 ● 惜身惜食】
謙善老師呢個男人，對男人學素有研究；自己又不斷學做男人，學做好男人。大男人也好，小男人也好，梗係要好好地學喇！謙善老師將會不定期撰寫識飲識食專題，好過追死線趕出街。
男人學
第三件事：有錢，慳住使
老師係過來人，咁就俾老師持老賣老，好有權威講吓呢個主題。
個個月有糧出，投資有道，可以說是豬籠入水。有錢，唔驚無地方使。三、四十年前，一千幾百，如同垃圾；一萬幾千，如同輕煙。
就以剃鬚為例，以前幾講究：
Before shave、shaving foam，after shave，男士名牌 Mandom。
世事難料！
有幾耐風流，就有幾耐折墮！
離婚20年，20年內只有兩年有糧出，因此今期第三件事要男人學：有錢，慳住使，以防不時之需，更防運滯兼倒霉……
就以剃鬚為例，她買咗一批剃鬚片（見圖，昔日$48一盒）。今天舊型號已停產，新型號現價約
$150一盒。這一批剃鬚片，我一用，用上20年仍未用完。以前日日剃，上鏡，見人更是一日剃幾次。而家，幾日唔出街，就幾日都唔使剃。有時，就算鬚根滿面咁嘅樣都可以照樣出街，因為今時今日唔使見人，甚至用酒店嘅番梘仔都可以剃。
前文曾提及謙善老師研究了15年男性更年期，除了出書《開心見誠談談男性更年期》之餘【本書由基督教文藝出版社代理，各大書店、書情書室有售】，家吓要優化男人學；老師提醒男人在更年期期間，可能要面對的是：忠貞怨偶抑或悶蛋情人；又或者可能要面對的是：離婚之後如何自處？離婚，更加要有錢慳住使啦！！
謙善老師惜福雋語：
雖然錢係搵嚟使
如果你大使特使
小心唔會威一世
有錢便要慳住使
冇錢更加因住使
《開心見誠談談男性更年期》
內容簡介：
2015年8月9日 星期日
心經第七課：性
心 經 懺 語
梁國棟
前 因
這本書是兩個男人的約定。
周祥牧師親手遞給我他錐心泣血的大作《周祥牧師懺悔錄》，我登時百感交集，無言以對。
「不知何年何月《周祥牧師懺悔錄》可以面世？」周祥牧師有點兒感慨。
「《懺悔錄》出版與否，只不過是天時地利人和的因緣，順其自然好了！」我順勢回應他。
《懺悔錄》的手稿收藏在家中書櫃內籠，免得內子隨手拈來翻看。我，時不時手稿在手，看在心裏。血淋淋以及重甸甸的原材料，盡是陳露先罪。不經不覺已八個年頭，心底裏那份歉疚，叫我該做點事，才對得起弟兄的託付。我的心願，希望弟兄大半生的經歷不再給人在他背後批鬥，審判他手所作的諸罪。
經過一番心靈掙扎，上主賜下一絲靈光。
我將周祥牧師的原材料稍稍潤飾，盡可能保存其真實性；在保存其真實性之餘，也為他和當事人以及其家人朋友保留一定程度的空間，故以化名代之。我懇請讀者們不要「打爛沙盆問到篤」，或是對號入座。
畢竟，此書是兩個男人的約定。
書情書室以單元連載發表周祥牧師的剖白，好讓讀者們看得見他入心的懺悔。我又以〈心經〉、（後覺）前呼後應，冀能為《周祥牧師懺悔錄》帶進另一個意境。
心經第七課
性 性也者，與生俱生也《原性》
筆者曾有過擱筆《心經懺語》的念頭。念及兄弟，為他保名聲、護顏面，我建議抽起三數篇內容。您卻反問我：我的懺悔，是真懺悔嗎？沒有了這三數篇，這我，還是我？？在您面前，我深感慚愧……
讓我收拾心情，提起筆來。
讓我尋回勇氣，面對稿子。
「我再唔相信這世間有真愛」，我確實非常擔心您，不知您會變成怎麼樣？
我的第三個十年：大好青年自甘墮落
嗰三兩日，我活着，簡直不是人！
返咗香港之後，我雖然活着，但係，我唔係「人」！
我係隻野獸。
喺駱克道、謝斐道有我過夜留宿嘅招待所。
我袋裏有嘅係錢。我用錢嚟買愛情。燕瘦環肥，任得我揀。既然任得我揀，我梗係揀Ｄ嬌小玲瓏、楚楚可憐、善解人意、逗我開心……「貴姓？」我姓陳、我姓李、我姓張、我姓黃、我姓何；我叫Angela、我叫Baby、我叫阿Cat、我叫Dora、我叫Elisa……總之，每隔三幾日，我又喺駱克道、謝斐道流漣……幾年嚟，我計唔到有幾多十個女仔喺我嘅金錢利誘下受盡摧殘……
我唔知自己做緊Ｄ乜嘢？
但係，我知自己做緊Ｄ乜嘢？
我，獸性大發……
我心存報復，連嗰Ｄ正正經經嘅女仔我都唔放過……
我控制不了自己……
我仍舊沉溺……
直至有一次……佢動咗真情！
執筆寫《周祥牧師懺悔錄》之時，佢哋叫乜名，個樣係點，我一Ｄ印象都無。
後
覺
您的剖白，就您而言是，重負卸下。
坦白的說，這七年來我一直沒找您好好詳談，皆因我太認識自己。我自知沒話可說，一切盡在肝膽相照；然而，要繼續做好我的編輯，委實有不少壓力。
2015年7月25日 星期六
2015 生命在演：【漂呀漂呀 漂到西天】 第五漂：無道……尋道 >>>
2015生命在演：【漂呀漂呀
漂到西天】
謙善老師飄洋過海，往返臺港兩地；腦海裏心坎裏滿載漂呀漂呀……是以【漂呀漂呀 漂到西天】作為2015我的生命在演。
「一時漂到識飲識食，一時漂到人情世情；一時漂到東山朝陽，一時漂到西山日暮；一時漂到鋼鐵森林，一時漂到山野茂林。漂到哪兒，寫到哪兒；隨意，隨喜……」
2015年6月29日 星期一
心經第六課：思
心 經 懺 語
梁國棟
前 因
這本書是兩個男人的約定。
周祥牧師親手遞給我他錐心泣血的大作《周祥牧師懺悔錄》，我登時百感交集，無言以對。
「不知何年何月《周祥牧師懺悔錄》可以面世？」周祥牧師有點兒感慨。
「《懺悔錄》出版與否，只不過是天時地利人和的因緣，順其自然好了！」我順勢回應他。
《懺悔錄》的手稿收藏在家中書櫃內籠，免得內子隨手拈來翻看。我，時不時手稿在手，看在心裏。血淋淋以及重甸甸的原材料，盡是陳露先罪。不經不覺已八個年頭，心底裏那份歉疚，叫我該做點事，才對得起弟兄的託付。我的心願，希望弟兄大半生的經歷不再給人在他背後批鬥，審判他手所作的諸罪。
經過一番心靈掙札，上主賜下一絲靈光。
我將周祥牧師的原材料稍稍潤飾，盡可能保存其真實性；在保存其真實性之餘，也為他和當事人以及其家人朋友保留一定程度的空間，故以化名代之。我懇請讀者們不要「打爛沙盆問到篤」，或是對號入座。
畢竟，此書是兩個男人的約定。
書情書室以網單元連載發表周祥牧師的剖白，好讓讀者們看得見他入心的懺悔。我又以〈心經〉、（後覺）前呼後應，冀能為《周祥牧師懺悔錄》帶進另一個意境。
心經第六課
思 以意之所思，必情之所願也。【正義曰】 祥哥，還記得那一個晚上，與您抱膝閒談，您赤露敞開自己的心窗：「我表面上，即面對家人和教會時，是大好青年，暗地裏我卻是魔鬼附體般地生活……」愚昧的我，當時未能深悉箇中意思。只怪小弟當年功力未深，未能即時察透您內心深邃的交戰。事隔四十載，當我手拿着《周祥牧師懺悔錄》，我才懵然得知箇中前因後果。祥哥，兄弟一場，請原諒小弟愚昧無知，以為尊重您的私隱，未敢多花一點心思來挖掘，試圖打開您的「潘朵拉」。
儘管如此，相信我亦無本事改變您的命運！
我的第三個十年：
My Bonnie is over the ocean
我叫我自已係名草有花。
十五歲嗰年，喺一次嘅同學旅行，想起都要多謝月老嘅牽線：因為大風吹沙入眼，Bonnie 走埋嚟用口吹我隻眼。就係咁，即刻通電！
之後，伯母又叫我得閒去佢哋屋企飲湯，對一個離鄉別井嘅我簡直係求之不得嘅享受。之後嗰兩年，我哋拍拖鬼咁親密。再耐Ｄ，更加喺我哋心底裏私訂終身。
之後，Bonnie 去咗台灣讀書，我就繼續留喺香港「捱騾仔」。
五年。五年嚟我都朝思暮想。
五年嚟，我死慳死抵，滙錢俾佢，等佢可以繼續學琴。
後嚟，學校派我去台灣做交流。我想俾佢一個驚喜，所以唔預先話俾佢知，一到埗，就立刻去到大學嘅校園，周圍揾課室啦、圖書館啦、飯堂啦、甚至宿舍啦，都揾唔到佢！跟住我就垂頭喪氣咁離開校園，喺羅斯福路踱步！
吖！竟然俾我睇到佢同一位帥哥喺對面馬路，手拖手，有講有笑！
我即時飛跑過對面馬路，佢愕咗然無聲出……等咗陣，佢定一定神就坦白同我講：「近水樓臺先得月吖嘛！」
吓！真係晴天霹靂！我成個人崩碎無全！估唔到我對佢感情專一，竟然得番嚟係被背叛！
我唔甘心！！
從嗰一刻開始，我再唔信世間上有真愛……
後
覺
請原諒我，祥哥，縱然我倆交情如莫逆，您畢竟是您。昔日我怪自己功力未深，今天我挖盡心思所識所學，也無從理解您的悲傷。我只不過是個旁觀者聽着聽着，又或者甚麼也不是。
您跟着的傾吐，真叫我咋舌，失語……
2015年6月24日 星期三
男人學第二課：「朝朝朝、朝朝拜」vs 「朝蕉壯、朝蕉舉」
|
|
【男人學
● 識飲識食 ● 惜身惜食】
謙善老師呢個男人，對男人學素有研究；自己又不斷學做男人，學做好男人。大男人也好，小男人也好，梗係要好好地學喇！謙善老師將會不定期撰寫識飲識食專題，好過追死線趕出街。
男人學第二課：「朝朝朝、朝朝拜」vs 「朝蕉壯、朝蕉舉」
「齊齊齋齊齊戒齊齋齊戒神恩廣大。
朝朝朝朝朝拜朝朝朝拜功德無涯。」 < 倫文敘戲妻
>
謙善老師夜半醒來，大腦記憶體竟然出現這存檔！
男人在人生轉角位，來一次掙脫牢籠，釋放自己，風趣一番，遊戲人間。
老師為男人們的福祉，可以說不遺餘力：老師研究了15年男性更年期，除了出書《開心見誠談談男性更年期》之餘，家吓要優化男人學，希望材料唔會劣化讀者對《開心見誠談談男性更年期》一書嘅觀感！！【本書由基督教文藝出版社代理，各大書店、書情書室有售。】
「朝蕉壯、朝蕉舉；朝蕉壯舉，男人期許」
「時時耷、時時濕；時耷時濕，男人心嗡」
若然您唔識笑，又或學唔會笑，有幾耐冇笑過，咁您要好好地學笑。就請來一個練習吧，
先呼後吸，氣聚丹田，將氣谷出來：哈！哈！哈！
您得嘅！！【諗起618香港政改投票時的5分鐘，即刻笑到標眼淚！！！】
․老師講嘅係蕉，以前兩個零三蚊雞，而家要賣四五蚊雞一磅。（根據公平貿易Fair
trade資料，以前農民收入只有幾毫子，而家希望我買貴Ｄ，佢哋收入多番Ｄ。）
․食蕉點只係青、黃、糖斑嘅食法。專家還建議好多招：例如香蕉紅茶、香蕉黃豆
粉、醋香蕉、巧克力香蕉、烤香蕉、香蕉牛奶（參閱《如何吃香蕉最健康》，剩係
講蕉，都有 171頁，老師佩服！）
․「老師之意不在蕉，在乎
EHS(勃起硬度指數)」。男人期許vs 男人心嗡―青瓜？連
皮香蕉？去皮香蕉？棉花糖？
․男人情緒低落要食蕉，有鉀；提高生殖能力，有鋅。
謙善老師惜身雋語：
老當益壯
輕而易舉
走出牢籠
無規無矩
《開心見誠談談男性更年期》
內容簡介：
訂閱：
文章 (Atom)