謙善老師繼續2013年之創舉：「惜身惜食•識飲識食」，我仍舊本着那宗旨來彼此鼓勵：首先惜身，繼而養生，最後識飲識食。於每月下旬，發放一則養生／飲食的信息。
九月份特寫：食安中心喺邊度？
「食安中心」徹頭徹尾改壞名（謙善老師沒有講改錯名）。
試問今日仲有人信得過這個中心，真係可以倚賴佢，就能夠食得安心？？？？？？
就近日廢食油（或作地溝油、餿水油），就完全暴露了用上千千萬萬公帑維持的中心，其實市民的血汗錢，食得至安心的人是公務員。唉！公務員是多廢！多餿！
九月份特寫原本是「食飽包食飽」，有感而發是你的家我的家才是真正的食安中心－－
所有謙善老師、師母落手落腳做嘅飽，一點油也不用。因此沒有日啃夜啃的「菠蘿飽」、「鷄尾飽」、「方飽」，不少飽飽的製作都用上豬油。聽聞在「艾 ONE」工作的人，都唔敢食自己公司嘅飽；唔通荷蘭嘅豬油或自己炸嘅豬油就健康咩？安全咩？
看官看得出圖像係Ｄ乜嘢飽？總之，我倆口子食得好安心，好放心！
究竟食安中心喺邊度？？謙善老師話不是醫院道4號。
謙善老師惜福雋語：
油廢抑或人變廢
求其抑或自求福
信佢抑或信自己
食安抑或食唔安
