心 經 懺 語
梁國棟
前 因
這本書是兩個男人的約定。
周祥牧師親手遞給我他錐心泣血的大作《周祥牧師懺悔錄》，我登時百感交集，無言以對。
「不知何年何月《周祥牧師懺悔錄》可以面世？」周祥牧師有點兒感慨。
「《懺悔錄》出版與否，只不過是天時地利人和的因緣，順其自然好了！」我順勢回應他。
《懺悔錄》的手稿收藏在家中書櫃內籠，免得內子隨手拈來翻看。我，時不時手稿在手，看在心裏。血淋淋以及重甸甸的原材料，盡是陳露先罪。不經不覺已八個年頭，心底裏那份歉疚，叫我該做點事，才對得起弟兄的託付。我的心願，希望弟兄大半生的經歷不再給人在他背後批鬥，審判他手所作的諸罪。
經過一番心靈掙札，上主賜下一絲靈光。
我將周祥牧師的原材料稍稍潤飾，盡可能保存其真實性；在保存其真實性之餘，也為他和當事人以及其家人朋友保留一定程度的空間，故以化名代之。我懇請讀者們不要「打爛沙盆問到篤」，或是對號入座。
畢竟，此書是兩個男人的約定。
書情書室以網絡連載發表周祥牧師的剖白，好讓讀者們看得見他入心的懺悔。我又以〈心經〉、（後覺）前呼後應，冀能為《周祥牧師懺悔錄》帶進另一個意境。
心經第三課
怕 懼也。《集韻》
翻閱《周祥牧師懺悔錄》經已有一段時日，心情依然是大石壓心頭般的沉重。我不知道應從何處入手，替他編輯或重新更變他書寫的方法。
乍看《明報：周祥之〈雙重性格的天才〉》一文，我重新想起您和您的遭遇。打從您的〈我的第一個十年：我愛耶穌嘅奶粉〉，我開始走進您的血脈裏，多一點認識我的童年玩伴；亦開始探知您走過的人生……
我的第二個十年：五年來我日夜擔驚受怕
我仲記憶猶新嗰度地方、嗰個女仔、嗰個邪惡嘅我，同埋嗰個黃昏：
地點係菜園村附近嘅一條小路。黃昏時分。當時人有我、一個後生女仔，同
埋警察和一班人圍觀。
仲記得當時我慢慢行上斜路，走到菜園村附近，見到前面有一個婀娜多姿嘅
女仔，佢個「躉」好大，行起路時左搖右擺；果陣時我只係十歲，一時血
氣方剛，忍唔住大步向前，伸手去摸佢個「躉」一吓，佢即時轉身大嗌：
非禮呀！非禮呀！嚇得我即刻話：對唔住，對唔住，我唔係有意架……（
講真嗰句，如果唔係佢個「躉」左搖右擺，刺激到我嘅衝動，我又點會摸佢
摸佢架！我係咪好衰呢，死鷄撐飯蓋。）
哎喲！俾佢一嗌，即刻惹嚟一班人嚟睇熱鬧，佢哋一人一句，有話我係色
魔，又有人話我係「咸濕仔」……攪到我無法甩身，無論我點講對唔住，
最後，嗰個女仔死都要拉我上差館！
唔知幾時嚟咗嗰差人，佢高大威猛，嚇得細細粒嘅我騰騰震；當時女有女
講，我有我講，真好彩！個差人好醒，話嗰個女仔又唔係咁靚，我又係咁
細嗰，點會咁大膽去非禮人呀！
最後，個差人警誡咗我幾句就放人。
我頭也不回，立即飛跑返屋企。
事後我再無向任何人提及呢單瘀事。
後
覺
祥哥：若不是您決意書寫懺悔錄，恐怕這段「少年罪案」的歷史不會曝光。您擔驚受怕的日子，料必成為您的折磨。今天，讓我多問問您：您何來如斯勇氣和盤托出，為此惡行向我告解？您何來如斯堅毅力，開始了這旅程？就算我是分享到您那份真心實意的羞慚和懺悔，您只不過是擦身而過的當事人(client)而已。
Give me some more time getting
to know all about you.
沒有留言:
張貼留言