2014 再獻新猷：「識飲識食 ● 惜身惜食」【四月】

2014 再獻新猷：「識飲識食 ● 惜身惜食」【四月】

謙善老師繼續2013年之創舉：「惜身惜食•識飲識食」，我仍舊本着那宗旨來彼此鼓勵：首先惜身，繼而養生，最後識飲識食。於每月下旬，發放一則養生／飲食的信息。

四月份特寫：包、 剪、 揼

包、剪、揼跟識飲識食，兩者有何相干，可以說得上風馬牛不相及。對！又是不對！且聽老師我細說端詳。

包、剪、揼是廣府話，是粵語，老師我是撐粵語的一份子。當然您可以用布、剪、石頭或洋文 paper,scissors,stone。用乜嘢話都唔及得我哋用包、剪、揼咁傳神，咁有威勢（請用

勁用氣用力：包！剪！揼！）又講番包、剪、揼， ladies & gentlemen 細路哥同大人都有Ｄ

不明文嘅玩法，不是一次定輸贏，輸咗又話要三盤兩勝。老師我頭先冇講過不文明，跟住嚟講嗰件事，有可能是不文明的「交易」。

話說老師我和內子一年兩度的渡假，今次又選了香港西貢樟木頭一老人度假中心。有一天在飯堂晚膳，筷子齊起之際，眼角出現一個場景和情景：６位女子在右邊抬用餐，其中女子甲：你祈禱，女子乙回敬：你祈禱。女子甲：猜包、剪、揼。女子甲輸了，由她領禱謝飯；女子甲、乙、丙、丁、戊、閤眼耷低頭，女子己兩眼張開，側頭面向我倆；至於女子甲謝飯內容，老師我已無心側耳細聽了。整個情和景真叫我口中的飯快要噴出來了！

看官是信仰基督宗教的，您哋點睇！輸咗嘅人係唔係真心實意的謝飯祈禱？若果唔係真心實意嘅話，造物主會唔會感通到人嘅無心無意，唔潔淨嗰Ｄ食物，攪到佢哋腸轆肚痛？造物主喺唔會咁小氣嘅！講番女子己，５位同宿同遊的同伴失見證唔駛講，嗰Ｄ信仰行為背後嘅意義究竟喺Ｄ乜？

看官是其他信仰的，您又會否掩着半邊嘴呢？

我們忘記食物付上自己，為的是滋養我們嘅生命。對身水身汗提供食物俾我哋嘅人，心存感恩。我諗謝飯嘅意義應該係咁！此外，別以為我們付了鈔，便可肆意糟蹋食物？！

無論如何，這場景情景真叫老師我唏嘘歎息，又為自己的信仰多一次深省！

謙善老師惜福雋語：

因乜解救包剪揼

識飲識食要惜物

一粥一飯誠可貴

勿惹目光與口實